Rejected petition Mae Bwrdd Pobl Ifanc GISDA yn cynnig cyflwyno tocynnau bws am ddim i bobl ifanc 25 oed a iau.
Mae trafnidiaeth yn gost enfawr i bobl ifanc, yn arbennig pobl ifanc o gefndiroedd dosbarth gweithiol, digartref neu sy’n ddibynnol ar Gredyd Cynhwysol neu debyg. Mae llawer o bobl ifanc rydym yn eu cefnogi yn ddibynnol ar drafnidiaeth gyhoeddus i fynd i’r gwaith, mynychu apwyntiadau neu weld teulu a ffrindiau.
More details
Mae GISDA yn elusen sy'n cefnogi pobl ifanc bregus a/neu digartref ar draws Gogledd Cymru. Rydym yn gyfarwydd iawn â’r heriau sy’n eu hwynebu mewn ardaloedd dinesig, trefol neu fwy anghysbell.
Mae cost gwersi gyrru yn rhwystr i bobl ifanc, yn enwedig oherwydd bod nifer ar gytundebau rhan amser/sero awr, ac yn cael eu talu isafswm cyflog. Yn ogystal, gyda 17% o holl allyriadau carbon Cymru yn dod o drafnidiaeth, mae cyfle yma i hybu trafnidiaeth gwyrdd. Mae darparu teithio am ddim yn cyd-fynd ag ymyriadau’r llywodraeth i gynyddu ymgysylltiad pobl ifanc, addysg a chyflogaeth. Rydym yn barod yn hyrwyddo’r tocyn teithio sydd yn arbed traean o bris siwrne. Mae'r tocyn teithio wedi bod yn gam i’r cyfeiriad cywir, ond mae angen i’r Llywodraeth fynd ymhellach er mwyn lleihau rhwystrau i bobl ifanc. Fel rhan o’u cynllun i wneud yr Alban yn wlad decach a fwy gwyrdd, fe gyflwynwyd docynnau teithio am ddim i bobl ifanc 5 - 21 oed. Rydym yn galw i ddilyn yr esiampl, ac i fynd ymhellach , gan gynnwys pobl ifanc o dan 25.
Why was this petition rejected?
There’s already a petition about this issue. We cannot accept a new petition when we already have one about a very similar issue, or if the Petitions Committee has considered one in the last year.
We only reject petitions that don’t meet the petition standards
Rejected petitions are published in the language in which they were submitted